Kontrollet e vazhdueshme të ekipeve të inspektimit në AMA dhe bashkëpunimi me subjektet e ligjshëm, kanë shfaqur të gjitha format që shkelësit e ligjit përdorin për të vjedhur përmbajtje audiovizive, për të cilat nuk kanë të drejta.
Inspektorët e AMA-s kanë vënë në “sitë” qarqet e Fierit dhe Vlorës ndërsa për të identifikuar IPTV pirate.
Në qarqet Fier e Vlorë u konstatuan IPTV, të cilat aksesoheshin në rrjetin e brendshëm të IP-së publike, 109.236.45.14 me anë të portalit, http://192.168.120.120:25461/c.
Provat teknike të bëra në terren vërtetuan se ky portal mund të arrihej vetëm nga IP-ja publike, 109.236.45.14.
Në këtë server në paligjshmëri, pa të drejta transmetimi, shpërndaheshin për abonentë fundorë platformat shqiptare sëbashku me paketat sportive përkatëse të tyre; Super Sport dhe Tring Sport. Gjithashtu në transmetime të paautorizuara u gjetën edhe kanalet sportive ndërkombëtare Arena Sport 1, Arena Sport 2, Arena Sport 3 dhe DAZN 1.
