Kryetarja e AMA-s Znj. Armela Krasniqi mori pjesë në takimin e organizuar nga OSBE/ODIHR, në Bukuresht, ku u diskutua mbi zgjedhjet e vitit të kaluar në Rumani, problematikat e ndeshura dhe mësimet që dalin prej tyre.
Organizuar nga ODIHR në partneritet me ekspertët e Forumit të Ekspertëve, ky seminar është pjesë e projektit të OSBE/ODIHR për mbështetjen e reformës zgjedhore në Ballkanin Perëndimor.
Me pjesëmarrjen e ekspertëve të zgjedhjeve, drejtues të rregullatorëve të Malit të Zi, Kosovës, Bosnjës, Maqedonisë së Veriut, shoqatat e gazetarëve dhe përfaqësues të shoqërisë civile nga rajoni i Ballkanit Perëndimor, në këtë takim 2-ditor, temat kryesore ishin:
Dezinformimi si fenomen në mediat sociale;
Ndërhyrjet e huaja dhe të brendshme;
Eksplorimi i mbikëqyrjes së fushatave elektorale/ reklamave në Paltformat e Shpërndarjes së Videove online dhe financimit të tyre.
Nga viti 2021, AMA kryen procesin e monitorimit të zgjedhjeve, bazuar në Metodologjinë e hartuar nga KQZ. Gjetjet e këtij monitorimi, të identifikuara në edicionet informative, emisionet debatuese/forume, reklamat politike, mbulimet e drejtpërdrejta të aktiviteteve elektorale etj, i raporton në KQZ.
Vlen të theksohet se që prej vitit 2021, nuk ka asnjë ankesë të mbërritur në AMA, për sa i përket procesit të monitorimit të zgjedhjeve.
