Monitorimi i përmbajtjeve, në janar
u prodhuan më shumë lajme sociale
Muaji Janar ka prodhuar më shumë lajme sociale për mediat audiovizive, ndryshe nga muaji dhjetor ku spikatën lajmet politike. Siç tregojnë të dhënat e përllogaritura nga ekipet e monitorimit dhe analizës në AMA, pas sociales me 19.45 %, vijnë lajmet politike me 15.29% të ndjekura nga lajmet ndërkombëtare me 14.93%.
Si çdo muaj, të dhënat me temat e lajmeve të trajtuara në edicionet informative në radiot dhe televizionet kombëtare, si dhe të dhëna të tjera të detajuara mbi përmbajtjet e transmetuara, gjenden të detajuara në faqen zyrtare të AMA-s, në https://ama.gov.al/monitorimi-i-permbajtjeve/ dhe përbëjnë një bazë shumë të mirë informacioni për çdo lloj studimi të tregut mediatik audioviziv në vend.
