Lufta kundër piraterisë është një ndër objektivat e Autoritetit të Mediave Audiovizive, ndërsa inspektorët janë çdo ditë në terren për të identifikuar transmetimet pirate. Kështu një tjetër shkelës i ligjit është konstatuar në qytetin e Kukësit. Një server OTT me domain: https://c112dn.baj.cx, transmetonte në mënyrë të paligjshme, duke shpërndarë për abonentët fundorë, platformat shqiptare DigitAlb dhe Tring Tv, bashkë me paketën sportive, Super Sport dhe Tring Sport . Gjithashtu në transmetime të paautorizuara u gjetën edhe platforma ndërkombëtare. Rasti iu referua AKEP-it për marrjen e masave të mëtejshme.
Ndërkaq Autoriteti i Mediave Audiovizive i bën thirrje qytetarëve të mos blejnë produkte të paligjshme, ndërsa shprehen të vendosur në luftën kundër Piraterisë.
