Monitorimi dhe shqyrtimi tematik i përmbajtjeve të transmetuara mbetet një nga detyrat kryesore të Autoritetit të Mediave Audiovizive (AMA), në funksion të përmirësimit të ofertës programore për publikun.
Gjatë vitit 2025, AMA ka realizuar 329 shqyrtime për përputhjen ligjore të përmbajtjeve të transmetuara, duke shënuar numrin më të lartë të monitorimeve në vitet e fundit. Nga këto, 106 raste janë konstatuar me shkelje. Për shkeljet e evidentuara janë marrë masa administrative, konkretisht 94 tërheqje vëmendjeje dhe 12 sanksione me gjobë.
