Në kuadër të
angazhimeve që rrjedhin nga Kapitulli 10, “Transformimi Digjital dhe Media”, me
iniciativën e Ministrisë së Infrastrukturës dhe Energjisë, u zhvillua sot takim dialogues mbi harmonizimin e
legjislacionit shqiptar me Aktin e Shërbimeve Digjitale DSA.
Takimi u drejtua
nga Zv/Ministrja e Infrastrukturës dhe Energjisë, njëkohësisht
bashkë-negociatore për Kapitullin 10, Znj. Enkelejda Muçaj, dhe u zhvillua me
praninë e ekspertit të Bashkimit Evropian, Z. Francesco Sciacchitano, i cili
prezantoi në detaje DSA-në, risitë që ky akt sjell në rregullimin e platformave
online, si dhe mënyrën e implementimit dhe transpozimit të tij në
legjislacionin shqiptar, në përputhje me standardet dhe praktikat e BE-së.
Gjatë fjalës së
saj, kryetarja e AMAs, Znj. Armela Krasniqi ka theksuar angazhimin e AMA-s për
përmbushjen e detyrimeve që rrjedhin nga Kapitulli 10, ku një nga prioritetet
kryesore mbetet transpozimi i Aktit të Shërbimeve Digjitale në legjislacionin
shqiptar.
Në takim morën
pjesë përfaqësues të institucioneve publike kontribuese në Kapitullin 10 dhe të
lidhura me zbatimin e DSA, shoqërisë civile,
përfaqësues të biznesit, si dhe partnerë ndërkombëtarë. Diskutimet u
fokusuan në kuadrin ligjor dhe rregullator në Shqipëri, opsionet për përafrim
me DSA, rolin e Koordinatorit të Shërbimeve Digjitale (DSC), si dhe koordinimin
institucional dhe me Komisionin Evropian..
Shqipëria mbetet e angazhuar në
harmonizimin e legjislacionit kombëtar me atë të BE-së, si pjesë e rrugëtimit
drejt integrimit evropian.
