Në analizën 9-mujore të vitit 2025, Këshilli i Ankesave në Autoritetin e Mediave Audiovizive ka marrë në shqyrtim 351 ankesa., ndërsa për shkeljet e konstatuara janë marrë masa:
30 Tërheqje Vëmendje
1 Sanksion me gjobë
Objekti i këtyre ankesave ka të bëjë më së shumti me shkeljen e privatësisë me 17.09%, dhunën ose promovimin e saj me 11.11%, interesin më të lartë të fëmijës, 8.55%, dëmtimin e figurës 7.97%, diskriminimin gjinor 1.99% dhe gjuhën e urrejtjes me 1.7%.
Referuar shifrave të 9 mujorit të këtij viti rezulton se 13.1% e ankesave është paraqitur nga subjekte, shoqata dhe institucione, ndërsa 86.9% nga individë.
Për Autoritetin e Mediave Audiovizive, komunikimi me publikun, trajtimi me seriozitet i shqetësimeve dhe ankesave të tij, por edhe Edukimi Mediatik, si një proces i rëndësishëm i formimit të një audience të përgjegjshme, mbeten përparësi në punën e përditshme.
